Starfsdagar

2018-2019

Sumarlokun 2019

Sumarlokun leikskólans 2019 verður 10. júlí til 7. ágúst að báðum dögum meðtöldum.

Leikskólinn opnar aftur fimmtudaginn 8. ágúst.

Eldhús

Á Ævintýrum er boðið upp á mat frá eldhúsi Norðlingaskóla og er matseðill hér hægra megin á síðunni. Boðið er upp á ávext á morgnanna og seinni partinn.

Á Litnunum er eldaður matur á staðnum. Leitas er við að vera ávallt með gæða hráefni og vinna allan mat frá grunni þ.e. engar unnar matvörur. Matseðla má finna í valmyndinni hér til hægri.

Börn læra betur af því sem þau sjá og upplifa heldur en af því sem þeim er sagt. Þess vegna er mikilvægt að vera barninu fyrirmynd í fæðuvali, borða með þeim og kenna þeim um leið borðsiði og kurteisi. Það er tvennt sem einkennir framar öðru matarsmekk barna. Þau taka sætt bragð fram yfir annað ef það er á boðstólum og þau eru smeyk við nýjar fæðutegundir. Það þarf að gefa börnunum tíma til að venjast nýjum fæðutegundum. Best er að bera þær fram nokkur skipti í röð, þá er líklegt að barnið fari smám saman að vilja borða þær. Því má heldur ekki gleyma að smekkurinn þróast að miklu leyti strax í æsku þannig að auðveldara er að venja á holla fæðu, sérstaklega ávexti, grænmeti og grófmeti á meðan börnin eru ung. Fjölbreytt mataræði með grófmeti og ríflegri neyslu af grænmeti og ávöxtum er æskilegasti kosturinn. Næringin skiptir máli fyrir heilbrigði tanna og beina. Holl fæða frá unga aldri gerir okkur kleift að mynda sterk bein sem betur geta staðist áföll síðar meir í lífinu. Tilvalið er að nota mikið af grænmeti við matseldina og bjóða einnig upp á það hrátt með matnum. Ef börn venjast því í uppvextinum að grænmeti sé haft með öllum mat, má ætla að grænmetisneysla verði hluti af lífsstíl þeirra.

Á leikskólanum eru:

Ávextir eru bornir fram daglega með morgunkorni eða Ab-mjólk. Hafragrautur er þrisvar í viku og er þá boðið upp á rúsínur og kanil.

Fiskur er tvisvar í viku, gufusoðinn eða steiktur og notaður er allskonar fiskur, ekki bara hin hefðbundna Ýsa. T.d. lúða, rauðspretta, steinbítur og þorskur.

Öll brauð eru bökuð á staðnum, alltaf með grófu korni.


Notuð er léttmjólk en nýmjólk fyrir börn undir 3ja ára, viðbit er smjörvi og notaður er 26% ostur. 

Kryddblöndur eru frá Pottagöldrum, einnig er ræktað smá af kryddi í eldhúsinu.

Sykur er í hófi við alla matargerðog eingöngu notaður hrásykur, dökkur eða ljós. Sem bragðauki er notað allskonar grænmeti í matinn og með mat.

Enginn "djús" er notaður hér en í staðinn er stundum sólberjasaft á boðstólnum sem er ríktur C-vítamíngjafi og án litar eða aukaefna.

Vatn er besti svaladrykkurinn og alltaf borið fram með mat.

Fita er höfð í hófi og meira um olíu eða mjúka fitu í staðinn fyrir harða fitu á borð við smjörlíki eða smjör. Samt er passað upp á að fitan sé næg.

Ekkert er notað af tilbúnum mat. Allar kjöt og fiskvörur t.d. bollur, búðingar og buff er gert á staðnum og án allra aukaefna. Einstöku sinnum eru þó keyptar pylsur og þá valdar pylsur án MSG.

Aldrei eru notaðar tilbúnar sósur í krukkum eða pökkum og allar súpur eru gerðar frá grunni.

Kartöflur eru gufusoðnar eða stundum steiktar í ofni og alltaf með hýði.

Þriðjudagar eru grænmetisdagar. Þá er máltíðin eingöngu úr grænmeti, tilgangurinn er að kenna þeim að grænmeti þarf ekki bara að vera meðlæti með kjöti eða fiski.

Leitast er við að hafa matinn fjölbreyttan og litríkan
.
Matseðill
Mánudagar: Fiskur og grænmeti
Þriðjudagar: Grænmetisdagar
Miðvikudagar:
Fiskur og grænmeti
Fimmtudagar: Kjöt og grænmeti
Fostudagar: Ýmist kjöt eða pasta, súpur eða grautar
 

Á leikskólanum er fjölbreytnin og hollustan í fyrirrúmi í eldhúsinu