Starfsdagar

2017-2018

Sumarlokun Rauðhóls 2018

Sumarlokun leikskólans verður 11. júlí til 8. ágúst að báðum dögum meðtöldum.

Leikskólinn opnar aftur fimmtudaginn 9. ágúst. 

Hagnýtar upplýsingar

Afmæli

Haldið er hátíðlega upp á afmælisdaga barnanna og þau eru í aðalhlutverki þann dag. Á vikulegum vinafundum þar sem allur leikskólinn safnast saman í sal er sungið fyrir afmælisbörn vikunnar. Barnið kemur ekki með veitingar að heiman en má koma með bækur eða tónlist ef það vill.

Reglur vegna afmæla:
Boðskort fara í hólf ef öllum börnum í hópnum er boðið annars er þeim ekki boðið í gegnum leikskólann. Starfsmenn fara aldrei heim með börn á afmælum.

Aðlögun

Gera má ráð fyrir u.þ.b. einni viku í aðlögun barns í leikskólann. Áætlun um aðlögun er gerð í samráði foreldra og kennara. Reynslan hefur kennt okkur að hæg aðlögun er árangursríkari en hröð aðlögun.

Dvalartími barna

Dvalarsamningur er gerður um vistunartíma barns þegar það byrjar í leikskólanum.  Mikilvægt er að vistunartími barnsins sé virtur því að fjöldi starfsmanna er miðaður við viðveru barnanna. Ef breyta þarf vistunartíma er haft samband við leikskólastjóra.  Uppsögn á dvalarsamningi eða breytingar á vistunartíma þarf að gera með mánaðar fyrirvara og er miðað við fyrsta dag hvers mánaðar.

Fatnaður

Mikilvægt er að barnið sé í hentugum fatnaði í leikskólanum. Fötin þurfa að vera þægileg og ekki hefta hreyfingar barnanna. Það þarf líka að vera auðvelt að æfa sig í að klæða sig úr og í fötin. Inniskór eru ekki nauðsynlegir en við bendum á sokkainniskó. Þeir verja barnið fyrir kulda og eru þæglegir og liprir að leika í. Aukaföt og útiföt verða að fylgja barninu á hverjum degi og vera vel merkt, sérstaklega útiföt og skór. Aukaföt eru geymd í plast kössum fyrir ofan hólfin á Litunum og í taupokum á Ævintýrunum. Muna þarf eftir að tæma hólfin á föstudögum til þess að hægt sé að þrífa þau.

  Það sem þarf að vera af útifatnaði er:

- hlý peysa

- hlý og góð húfa (ekki nóg að hafa buff)

- hlýir og góðir vettlingar (ekki nóg að hafa þunna fingravettlinga)

- ullarsokka

- flísbuxur (Fyrir þá sem eru á sokkabuxum eða leggings)

- regngalli

- kuldagalli / eða úlpa og snjóbuxur

- úlpa

 Aukaföt

Nærföt, sokkar, sokkabuxur, buxur, peysa eða bolur 

 

 

 




Foreldraviðtöl

Foreldraviðtöl eru að jafnaði 2 á ári, að hausti og vori. Leikskólastjóri og kennarar eru auk þess alltaf tilbúnir að setjast niður með foreldrum. Gott upplýsingarflæði milli heimilis og leikskóla reynist börnum og fjölskyldum þeirra best. Starfsmenn leikskólans eru bundnir þagnarskyldu.

Frídagar

Auk hefðbundinna frídaga er leikskólinn er lokaður 6 virka daga á ári vegna skipulags- og námskeiðsdaga. Þessir dagar eru skráðir á skóladagatali og eru auglýstir með 3 vikna fyrirvara.

Hvíldardót

Hvíldardót, koddi og teppi koma með börnunum að heima. Það veitir börnunum öryggi að hafa sína eigin hluti þegar þau hvíla sig. Hvíldardót fer heim með barninu á föstudögum og kemur aftur með því í leikskólann á mánudögum.

Leikskólagjöld

Leikskólagjöld eru greidd fyrirfram einn mánuð í senn.  Hægt er að fá sendan greiðsluseðil, greiða með kreditkorti eða í greiðsluþjónustu. Ekkert gjald er tekið fyrir júlí vegna sumarfría. Innheimta fer fram hjá Leikskólasviði Reykjavíkurborgar.

Lyfjagjöf á leikskólatíma

Lyf eru ekki gefin í leikskólanum nema ef um er að ræða lyf sem þarf að taka að staðaldri eða astmalyf. Trúnaðalæknir barna í leikskólum í Reykjavík er Katrín Davíðsdóttir.

Máltíðir

Borðað er í matsal leikskólans. Morgunmatur hefst kl. 8:30 og stendur til kl. 9:30 og geta börnin borðað þegar þeim hentar innan þessa tíma, með því truflum við ekki leik þeirra. Hádegismaturinn er tvískiptur, yngir börnin borða kl. 11:20 og þau eldri kl. 12:00. Síðdegiskaffi er á bilinu 14:20-15:10. Við leggjum áherslu á fjölbreytt matarræði með grófmeti og ríflegri neyslu af grænmeti og ávöxtum. Leitast er við að vinna allan mat frá grunni og brauð eru bökuð á leikskólanum. Boðið er upp á vatn og mjólk í öllum matmálstímum.

 

Myndaalbúm að heiman

Við viljum gjarnan að börnin séu með myndaalbúm að heiman með myndum af þeim sjálfum og fjölskyldunni. Það er gott þegar maður er lítil/lítill í sér að geta gripið í myndir af þeim sem maður þekkir best. Ef það er lítill texti með sem segir hver eða hverjir eru á myndunum auðveldar það okkur að geta rætt um myndirnar við börnin.

Slys á börnum

Slasist börn í leikskólanum og þurfi að fara á heilsugæslu greiðir leikskólinn fyrir fyrstu komu. Forráðamenn verða að koma með kvittun og verður að fylgja númer á reikningi sem hægt er að endurgreiða inn á.

Sumarfrí

Leikskólinn lokar í 4 vikur yfir sumarið. Dagsetningar eru ákveðnar eftir að skoðanakönnun hefur verið gerð meðal foreldra og eru þær vikur valdar sem flestir velja. Öll börn þurfa að taka að lágmarki 4 vikna samfellt frí. Dagsetningar lokunar eru tilkynntar í lok febrúar.

Veikindi barna

Leikskólinn getur ekki tekið á móti veikum börnum. Foreldrar þurfa að tilkynna veikindi í síma leikskólans 517-2566 (Litum) eða 411-7650 (Ævintýrum). Ef barn getur ekki notið leikskólaverunnar vegna líkamlegra vanlíðan er það sent heim. Æskilegt er að barn sé hitalaust heima í a.m.k. einn dag eftir veikindi. Barn getur fengið að vera inni í tvo daga eftir veikindi en að öðru leiti er útiveru ekki sleppt nema í undantekningatilfellum.
Ef börn eru fjarverandi vegna veikinda í mánuð samfleytt er felldur niður helmingur gjalds. Veikist barn í leikskólanum er strax haft samband við foreldra og brugðist við eftir bestu vitund.